In dl’óra buînta
al sé scunsùma al fièe di vêc…
šgumbèi ed parôli
dólsi, scudrègni,
che i rùmen
in dû al tèimp al s’è fermèe.
In dl’óra buînta
al sé scunsùma l’udór dal bašalìcch
e i vân deschêlsa
el ciâcri dla basóra,
i vân a drée
a n’ôra ch’l’arsôra…
e in s’nadân brîša i vêc
che l’òmbra la tâca a scantunêr.
In custéra
a gh’armâgn sól soquânt ricôrd,
strinèe al sól.
MERIGGIO – Nell’ora calda / si consuma il fiato dei
vecchi… / scompigli di parole / dolci, rudi, / che frugano / dove il tempo s’è
fermato. / Nell’ora calda / si consuma l’odore del basilico / e vanno scalze / le
chiacchiere del meriggio, / inseguono / un’ombra che ristori… / e non si accorgono
i vecchi / che l’ombra scompare. / A solatio/ restano solamente alcuni ricordi /
seccati al sole.