Fa che la vita (vose de pare)

Fa che la vita (vose de pare)

No’ digo poco, ma fa che la vita

no’ se fassa mai lisiera…

Cuesto inpara: tiente da conto

e insisti, ora co’ zogia

e ora sensa vela de fortuna,

no’ secar el tó cuor a cue’o

che no’ te gh’è el coragio de ciamar…

Fa che la vita no’ se fassa

mai lisiera, cofà in istà

on vestito de lin, che,

‘na òlta tolto da indosso,

vodo el xe in tuto de ti

 

Fa che la vita (voce di mio padre) – Non dico poco, ma fa che la vita/ non si faccia mai leggera…/ Questo impara: non sciuparti e insisti, ora con gioia/ e ora senza vela di fortuna, non seccare il tuo cuore a ciò/ che non hai il coraggio di chiamare…./ Fa che la vita non si faccia/ mai leggera, come in estate/ un vestito di lino, che,/ una volta tolto da indosso,/ vuoto è in tutto di te.