Mi fidu u viju luntanu a deci metri
nu pùlici zziccatu nt’è pili ’i na crapetta.
All’intrasattu ncuathru nu cristiianu
’i comu signa ’u passu, ’i comu mi saluta.
Mi basta a sira ’u arzu l’occhji ò cielu
pemmu ndovinu quanti gocci jetta
o se domani ’u suli spacca ’i pethri.
Eu chistu sacciu e sacciu puru àutru
ma ammata non mparà cu sugnu eu.
Juciu nto scuru ’u mònacu di l’àbbitu
e du guardari u servu du pathruni.
Sacciu quand’unu parra ch’è c’ammuccia,
aundi stannu i pacci, aundi i bboni.
’I quali gutti nesci ’u vinu chi mi ciurru
e l’ògghjiu megghjiu ’i quali utri cula.
Eu chistu sacciu e sacciu puru autru
ma ammata non mparà cu sugnu eu.
Capisciu o volu a mbidia du mulu
quandu senti ’u cavaju galoppari.
O a paghura du sùrici nta tana
mentri ’u serpenti nci ncugna inta a lingua.
Sacciu cu guadagna e mbeci cu è perdenti
ogni juornu c’u mari faci a ruggia
e sburra novi vucchi da spamari.
’U Bbeni end’è mmucciatu eu puru sacciu
c’o Mali u trovi aggratis ò mercatu
sacciu c’a Morti esti a giusta misura
ma cu sugn’èu ammata no’ mparà.
BALLATA DELLE COSE DA NIENTE – Riesco a distinguere lontano dieci metri / una pulce sul manto di una capra. / In un istante inquadro una persona/ da come segna il passo, da come mi saluta. / Basta la sera che alzi gli occhi al cielo/ per indovinare quante gocce cadono / o se domani il sole spezza i sassi. // Io tutto questo so ed anche altro/ ma chi son io non ho imparato ancora. // Distinguo al buio il monaco dall’abito / e dallo sguardo il servo dal padrone. // Quand’uno parla ne avverto i sottintesi / so dove stanno i pazzi, dove i savi. / Da quale botte nasce il vino buono / l’olio migliore da quale otre cola. // Io tutto questo so ed anche altro / ma chi son io, non ho imparato ancora. // Capisco al volo l’invidia del mulo / quando sente il cavallo galoppare. / O la paura del topo nella tana / mentre il serpente vi ci infila la lingua. / So chi guadagna, chi invece è perdente / ogni giorno che il mare fa la ruggine / e sforna nuove bocche da sfamare. // Dov’è nascosto il Bene io pure so / che il Male trovi gratis al mercato / so che la Morte è la giusta misura / ma chi son io, non ho ancora imparato.