Viate, sì, viate
a vvuje ca ve site pusate
ncopp’a l’albero eterno ca se veste
sulo r’ ‘e foglie ‘e silenzio celeste.
A vvuje ca già putite mette ‘e piere
e affunnà rint’ ê ccose
ca mo putimmo sulo sperà e crére.
Nuje stammo, e chi sa fino a quanno,
ancora vulanno e vulanno.
Ma com’a tanno stennìtece ‘e mmane
forte e càvere ‘e pane,
vuje ca già site parte ‘e chella fiamma
addó, gelate, ‘e ce accustà cercammo.
BEATI – Beati, sì, beati / voi che vi siete posati / sull’albero eterno che si veste / solo delle foglie di silenzio celeste. // Voi che già potete mette i piedi / e affondare nelle cose / che ora possiamo solo sperare e credere. // Noi stiamo, e chi sa fino a quando, ancora volando e volando. // Ma come allora stendeteci le mani / forti e calde di pane, / voi che già siete parte di quella fiamma / dove, gelati, cerchiamo di accostarci.