Me sceta da’o suonno
Me sceta da ’o suonno na nenia luntana,
’o canto ’e na mamma che mpietto
se stregne ’o ninnillo.
Na forza ’e viento mme trascina fore,
fore ’a chest’anema chiena ’e pecundria.
’Sta nenia m’allicorda nu calore antico
quanno mpietto me stregneva
’a mamma mia.
Pareva nu Paraviso
chella cecella ch’addurava ’e latte
e mme faceva sparpetià d’ammore
quanno zucavo ’a chillo pietto sujo.
’O suonno accussì scenneva
a ppoco a ppoco
e m’addurmevo felice
int’ê vvraccia ’e mammà.
Mo che ’a scena ’e stu munno sta passanno
vurria pe nu mumento ancora,
sulo pe nu mumento,
sèntere ll’abbraccio e ’e vase ’e mamma mia.
Allora ’o suonno mme chiuresse ll’uocchie
cuntenta e gudè ancora
’o primmo ammore.
MI DESTA DAL SONNO – Mi desta dal sonno una nenia lontana,/ Il canto di una mamma che al petto/ stringe il suo piccolo./Una folata di vento mi trascina fuori,/ fuori da quest’anima piena di malinconia./Questa nenia mi ricorda un sapore antico/quando al petto mi stringeva mia madre./Sembrava il Paradiso/ quella mammella che profumava di latte/ e mi faceva palpitare d’amore/ quando succhiavo al suo petto./Veniva così il sonno a poco a poco/ e m’assopivo felice nelle braccia di mamma./Ora che la scena di questo mondo volge alla fine/ vorrei,ancora per un momento,/ sentire l’abbraccio e i baci di mia madre./ Allora il sonno chiuderebbe i miei occhi/ contenta, di godere ancora il primo amore.
Ll’amicizia
Ll’ammore è n’amico
è nu dono caro.
Prezziuso comm’a ll’oro,
annascuso dint’ô core.
Isso te dà fiducia,
te rasserena ’o core,
te leva ’a ’int’a ll’affanne
e tte dà cumprenzione.
Ll’ amico tujo è sincero
e ’o bbene tujo vo’,
ll’ammore isso te dà
e ttu, sempe t’’o truove.
Quann’’o ncuntre p’’a via
nziem’a tte cammina
e ’a soja parola è bbona
pecché t’allumena’a mente
e ’o core.
L’AMICIZIA – L’amore di un amico / È un dono gradito. / Prezioso come l’oro / Nascosto nel cuore. // Lui ti dà fiducia / E ti rasserena, / ti affranca dagli affanni / e ti dà comprensione. // Il tuo amico è sincero / e desidera il tuo bene, / egli ti offre amore / e la sua disponibilità. // Quando lo incontri per la strada / cammina con te / e il suo dire è buona cosa / perché t’illumina la mente / e il cuore.