A tutti gli amici piemontesisti, nella fiducia di un sogno comune
Fin-a ai termo dël mond bòrgno ’d soris
sensa visé tò mor.
Argent dasiant ij fium, mar ëd bluèt,
montagne spalie ’d lus, pian-e d’aram.
L’oma sbrisà toa giaja fior ëd mòrt,
l’oma sustà tò vel, faja d’argal.
Gnanca n’armor… Tut chiet ël top ancreus,
grinor ëd n’aringrét e smens ëd fé rancin-a.
Pas an tò mond, e ’nt ël mè; lòsna dël Dé,
stërmà ’n tò nòm, susnà ’n paròle sclinte-veje.
Avisch ij sens, ma veuid ël me destin,
destin ciamà da mi e d’àuti pòchi,
gravà ’n sle pian-e meusie gravie ’d lun-a.
Tut ël nòst mond a l’é smasì ’nt ël seugn
përdù ’nt l’ancreus ëd nòsta gòj doleuria.
1988 – 2005
Alexander Fino ai confini del mondo cieco di sorriso/ senza riconoscere il tuo volto./ Argento pacato i fiumi, mari di fiordalisi,/ montagne pallide di luce, pianure di rame.// Abbiamo sfiorato il tuo screziato fiore di morte,/ abbiamo desiderato il tuo velo, fata di gioia./ Neanche un rumore… Tutta quieta l’oscurità profonda,/ affetto di un rimpianto e seme di fede avara.// Pace nel tuo mondo, e nel mio, lampo del Dio,/ nascosto nel tuo nome, bramato in parole chiar-antiche.// Accesi i sensi, ma vuoto il mio destino,/ destino invocato da me e da pochi altri,/ inciso sulle pianure pigre gravide di luna.// Tutto il nostro mondo si è stemperato nel sogno/ perduto nella profondità della nostra gioia dolente.