Mie feuje a drocheran an cost giardin
arcòrd d’ësparm cissà dl’amor d’un De.
Me euj a sercheran ij brass d’assél
che, com ëd branch, gropavo ’l neu ’d passion.
Ciairor ëd verd moarà ’d bleussiel gicant
im n’ëstarai sercand segrét a randa
dla rol e dj’arbre mute ’n soa grinor
ch’an mostro a fene s-ciav ëd cost silensi
graveur ant ël siflé dij vent dasiant
scoteur ant l’anfinì dij segn ëd l’Un.
I l’hai sërnù ’l dëstin ch’a ’nciòda ’l Mond
an nen vorend col Un che tut a ambrassa.
1998
Dafne Le mie foglie crolleranno in questo giardino/ ricordo di terrore esaltato dall’amore di un Dio.// I miei occhi cercheranno le braccia d’acciaio/ che, come rami, legavano il nodo di passione.// Luce di verde marezzato d’azzurro germogliante/ me ne starò cercando segreti a fianco/ della quercia e dei pioppi muti nel loro affetto/ che ci insegnano a renderci schiavi di questo silenzio/ incisore nell’infinito dei segni dell’Uno.// Ho scelto il destino che inchioda il Mondo/ non volendo quell’Uno che tutto abbraccia.