da An sla crësta dl’ombra; Ivrea (ediz. «La Slòira»); 2002
Cost antërsesse ’d branch dij nòsti temp,
cost ancontresse apress ëd tron e ’d lòsne
a l’é na fior cogià ’ntrames dle feuje,
un seugn virà a l’ambòss an nòsta sèira.
Ant ël giardin sislà ’d na faja ’d liri
vàire a l’é bel serché grinor sij làver,
përfum ëd le mistà, gorëgne e fòrte,
sèiva dl’eternità ’d costi erbo-cel.
La fior color bleussiel l’é ’n mar brusà
da na passion ch’a vemp ël veuid amer
ëd lerme mai sercà ’nt ij mit antich
ch’i l’oma mach sugnà an nòsta tèra
drùa com un cotél d’assél molà.
1997
Giardino Questo intrecciarsi di rami dei nostri momenti,/ questo incontrarsi dopo tuoni e lampi/ è un fiore coricato in mezzo alle foglie,/ un sogno voltato al contrario nella nostra sera./ Nel giardino cesellato di una fata di gigli/ è davvero bello cercare gioia sulle labbra,/ profumo delle immagini, temprate e forti,/ linfa dell’eternità di questi alberi-cielo./ Il fiore color azzurro è un mare bruciato/ da una passione che riempie il vuoto amaro/ di lacrime mai cercate nei miti antichi/ che abbiamo solo sognati nella nostra terra/ fertile come un coltello d’acciaio temprato.